പ്രൈമറി അദ്ധ്യാപകര്ക്കായി സൌജന്യ ഇംഗ്ലീഷ് പരിശീലനം
ബാംഗ്ലൂര് ആസ്ഥാനമായി പ്രവര്ത്തിക്കുന്ന Regional Institute of English (RIE) എന്ന സ്ഥാപനം പ്രൈമറി അദ്ധ്യാപകര്ക്കായി നടത്തുന്ന 30 ദിവസത്തെ സൌജന്യ ഇംഗ്ലീഷ് പരിശീലനത്തിനുള്ള ഒന്നാമത്തെ ബാച്ചിലേക്ക് അപേക്ഷ ക്ഷണിച്ചു. നവംബര് 2 മുതല് ഡിസംബര് 1 വരെയാണ് പരിശീലന കാലാവധി. പ്രൈമറി തലത്തില് ഇംഗ്ലീഷ് പഠിപ്പിക്കുന്നവരും 50 വയസ്സ് കഴിയാത്തവരുമായ അദ്ധ്യാപകരെയാണ് പരിശീലനത്തിനായി തെരഞ്ഞെടുക്കുന്നത്. സ്കൂളിലെ ദൈനംദിന പ്രവര്ത്തനത്തിന് വിഘാതം ഉണ്ടാക്കാതെയാണ് പരിശീലനത്തിന് അയക്കേണ്ടത്. കോഴ്സ് സംബന്ധിച്ച വിശദാംശങ്ങള്ക്ക് www.riesielt.com ല് ലോഗിന് ചെയ്യേണ്ടതാണ്.
