പിന്നാക്ക സമുദായ വികസന വകുപ്പ് നല്‍കുന്ന ഓവര്‍സീസ് സ്‌കോളര്‍ഷിപ്പിന് അപേക്ഷ ക്ഷണിച്ചു. ഒ.ബി.സി. വിഭാഗങ്ങളില്‍ ഉന്നത പഠന നിലവാരം പുലര്‍ത്തുന്ന വിദ്യാര്‍ത്ഥികള്‍ക്ക് വിദേശ സര്‍വ്വകലാശാലകളില്‍ മെഡിക്കല്‍/എഞ്ചിനീയറിങ്/പ്യൂവര്‍ സയന്‍സ്/അഗ്രിക്കള്‍ച്ചര്‍/മാനേജ്‌മെന്റ് കോഴ്‌സുകളില്‍ ഉപരിപഠനം നടത്തുന്നതിന് ഇതുവഴി അവസരം ലഭിക്കും. കുടുംബ വാര്‍ഷിക വരുമാനം ആറ് ലക്ഷം രൂപയില്‍ അധികരിക്കരുത്. അപേക്ഷാഫോറത്തിന്റെ മാതൃകയും യോഗ്യതാ മാനദണ്ഡങ്ങളും വിശദവിവരവും ഉള്‍പ്പെടുന്ന വിജ്ഞാപനം www.bcdd.kerala.gov.in -ല്‍ ലഭിക്കും. പൂരിപ്പിച്ച അപേക്ഷയും അനുബന്ധരേഖകളും ഒക്ടോബര്‍ 26 നകം ഡയറക്ടര്‍, പിന്നോക്ക സമുദായ വികസന വകുപ്പ്, അയ്യന്‍കാളി ഭവന്‍ നാലാംനില, കനകനഗര്‍, വെള്ളയമ്പലം, തിരുവനനന്തപുരം - 3 വിലാസത്തില്‍ അയയ്ക്കണം.
