എസ്.എസ്.എല്‍.സി., പ്ലസ് വണ്‍, പ്ലസ് ടു ക്ലാസ്സുകളിലെ വര്‍ഷാവസാന പരീക്ഷയെഴുതുന്ന വിദ്യാര്‍ത്ഥികള്‍ക്കായി ഐ.ടി.@സ്‌കൂള്‍ വിക്‌ടേഴ്‌സ് ചാനല്‍ ഓര്‍മ്മകളുണ്ടായിരിക്കണം പ്രത്യേക പരീക്ഷാ പരിശീലന പരിപാടി സംപ്രേഷണം ചെയ്യും. അതത് വിഷയങ്ങളിലെ പ്രഗത്ഭരായ അധ്യാപകരാണ് ഒരു മണിക്കൂര്‍ ദൈര്‍ഘ്യമുളള പരിപാടിയില്‍ ക്ലാസുകള്‍ കൈകാര്യം ചെയ്യുന്നത്. ഇതോടൊപ്പം കുട്ടികളുടെയും രക്ഷിതാക്കളുടെയും മാനസിക പിരിമുറുക്കം കുറയ്ക്കാനായി 'ടേക്ക് ഇറ്റ് ഈസി' എന്ന പരിപാടിയും പരീക്ഷാ ദിവസങ്ങളില്‍ വൈകുന്നേരം ഏഴിന് സംപ്രേഷണം ചെയ്യും. എല്ലാ ദിവസവും വൈകിട്ട് ആറുമുതല്‍ ഏഴുവരെ തൊട്ടടുത്ത ദിവസത്തെ പരീക്ഷയുടെ പ്ലസ് ടു പാഠഭാഗങ്ങളും രാത്രി എട്ടു മുതല്‍ ഒന്‍പതുവരെ എസ്.എസ്.എല്‍.സി. പാഠഭാഗങ്ങളുമാണ് സംപ്രേഷണം ചെയ്യുന്നത്. പുനഃസംപ്രേഷണം പരീക്ഷാ ദിവസം രാവിലെ ഏഴിനും ഒന്‍പതിനും.
