AL MUDARRISEEN

40,000 രൂപയില്‍ താഴെ കുടുംബ വാര്‍ഷിക വരുമാനമുളള പട്ടികവര്‍ഗ വിദ്യാര്‍ത്ഥിക ള്‍ക്ക് പ്രൊഫഷണല്‍ കോഴ്‌സ് പൊതു പ്രവേശന പരീക്ഷ എഴുതുന്നതിനുളള സൗജന്യ അപേക്ഷാ ഫോറം ജനുവരി 15 മുതല്‍ ലഭിക്കും. ജാതി, വരുമാന സര്‍ട്ടിഫിക്കറ്റ് എന്നിവ അടങ്ങിയ അപേക്ഷ ഹാജരാക്കുന്ന മുറയ്ക്ക് നെടുമങ്ങാട്, കാഞ്ഞിരപ്പളളി, ഇടുക്കി, അട്ടപ്പാടി (കല്‍പ്പറ്റ), നിലമ്പൂര്‍, കണ്ണൂര്‍ എന്നീ ഐ.റ്റി.ഡി പ്രോജക്ട് ഓഫീസുകളിലും പുനലൂര്‍, റാന്നി, മൂവാറ്റുപുഴ, ചാലക്കുടി, പാലക്കാട്, കോഴിക്കോട്, മാനന്തവാടി, സുല്‍ത്താന്‍ബത്തേരി, കാസര്‍ഗോഡ് എന്നീ ട്രൈബല്‍ ഡെവലപ്‌മെന്റാഫീസുകളില്‍ നിന്നും അപേക്ഷകള്‍ ലഭിക്കും.

ഫലം പ്രസിദ്ധീകരിച്ചു

ഹയര്‍ സെക്കന്‍ഡറി ഒന്നാംവര്‍ഷ ഇംപ്രൂവ്‌മെന്റ് പരീക്ഷയുടെ പുനര്‍മൂല്യനിര്‍ണ്ണയം, സൂക്ഷ്മപരിശോധന എന്നിവയുടെ ഫലം പ്രസിദ്ധീകരിച്ചു. ഫലം ഹയര്‍ സെക്കന്‍ഡറിയുടെ പോര്‍ട്ടലില്‍ www.dhsekerala.gov.in)

വിക്ടേഴ്‌സ് ചാനലില്‍ കലോത്സവം തത്സമയ സംപ്രേഷണം

കോഴിക്കോട് നടക്കുന്ന 55-ാമത് സംസ്ഥാന സ്‌കൂള്‍ കലോത്സവം പൊതുവിദ്യാഭ്യാസ വകുപ്പിന്റെ ചാനലായ വിക്ടേഴ്‌സില്‍ ജനുവരി 15 മുതല്‍ സംപ്രേഷണം ചെയ്യും. ഉദ്ഘാടനം മുതലുള്ള പരിപാടികളും 18 വേദികളിലായി നടക്കുന്ന വിവിധ കലാമത്സരങ്ങളുമാണ് തത്സമയം സംപ്രേഷണം ചെയ്യുക. മത്സരഫലങ്ങള്‍ ഉടന്‍ അറിയാനും വിജയികളെ പരിചയപ്പെടുത്തുന്നതിനും ഉള്‍പ്പെടെ സുസജ്ജമായ സംവിധാനങ്ങള്‍ വിക്ടേഴ്‌സ് ചാനല്‍ ഒരുക്കിയിട്ടുണ്ട്. ഒരേസമയം പത്ത് സ്റ്റേജുകളില്‍ നിന്നുള്ള വീഡിയോ വെബ്കാസ്റ്റിംഗ് ലഭിക്കും. കലോത്സവ ഫലപ്രഖ്യാപനം പരിപൂര്‍ണമായും ഓണ്‍ലൈനായി www.schoolkalolsavamlive.in പോര്‍ട്ടലില്‍ ലഭ്യമാക്കും